Самарқанд вилояти ҳокимлигида 17 сентябрь куни вилоят ҳокими вазифасини бажарувчи Эркинжон Турдимов Корея Республикасининг ATU.Co.ltd инвестицион компанияси бош ижрочи директори Парк Чонг Эок билан учрашди. Бу ҳақда Zarnews хабар бермоқда.
Учрашувда Ўзбекистон ва Жанубий Корея ўртасидаги икки томонлама ҳамкорлик алоқалари тобора мустаҳкамланиб бораётгани таъкидланди. Самарқандда ҳам бугунги кунда кореялик ишбилармонлар билан ҳамкорликда кўплаб истиқболли лойиҳалар амалга оширилаётгани ва бу ишлар кўлами йилдан-йилга кенгаяётгани қайд этилди.
Э.Турдимов ATU.Co.ltd инвестицион компанияси билан ҳамкорлик қилишга тайёрлигини билдириб, компаниянинг Самарқандда қурилиш, чиқиндини қайта ишлаш ва бошқа йўналишларга оид инвестицион лойиҳалари қўллаб-қувватланишини маълум қилди.
Учрашувда Самарқанд вилояти ҳокимлиги ва Корея Республикасининг ATU.Co.ltd инвестицион компанияси ўртасида “Ургут – Самарқанд” асосий йўлининг “URGUT - M39 HIGHWAY” қисмида қурилиш ишларини амалга ошириш бўйича ўзаро англашув меморандуми имзоланди.
Унга кўра, Корея компанияси юқори тезликда ҳаракатланиш имкониятини берувчи Ургут автомобиль йўлини қуради. Замонавий технологиялар асосида бунёд этиладиган бу “ақлли йўл” “Ургут” эркин иқтисодий зонаси тараққиёти ҳамда ҳудуднинг аҳолиси турмуш тарзининг ўсишига хизмат қилади.
Мазкур лойиҳанинг муваффақиятли амалга оширилиши келгусида томонлар ўртасидаги ҳамкорлик алоқаларини янада кенг кўламда давом эттириш имконини беришини алоҳида қайд этди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Тошкентда 02 кодли авторақамлар тахминан қачон пайдо бўлиши айтилди
Сариқми ёки яшил: қайси турдаги банан фойдалироқ?
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Россия дунёдаги биринчи водород ёқилғили автомобилни тақдим этди
Германияда мактаб ўқувчилари оммавий равишда ислом динини қабул қилмоқда
Қайси кундалик одатлар иммунитет пасайишига олиб келишини биласизми?
Америкалик олимлар барча учун бирдек фойдали жисмоний фаоллик турини аниқлади