Ўзбекистон ва Қатар биринчи хонимлари (Фото)

Қатар собиқ амири шайх Ҳамад бин Халиф ал Танийнинг турмуш ўртоғи, Қатарнинг ҳозирги амири шайх Тамим ибн Ҳамад ал Танийнинг онаси Мўза бинт Носир ал Миснид Ўзбекистонга хусусий ташриф билан келган. Бу ҳақда унинг Facebook’даги саҳифасида маълум қилинди.

«Ўзбекистон биринчи хоними Зироатхон Ҳошимова жаноби олиялари билан, шу ёздаги хусусий ташриф вақтида», - дейилган Мўза бинт Носир ал Мисниднинг саҳифасида.

Фото: Facebook/Moza bint Nasser
Шунингдек, эълон қилинган фотосуратда Ўзбекистон президенти Шавкат Мирзиёевнинг рафиқаси Зироатхон Ҳошимовадан ташқари, унинг қизи Шаҳноза Мирзиёевани ҳам кўриш мумкин.

Фото: Facebook/Moza bint Nasser
Маълумот учун: Мўза бинт Носир ал Миснид Қатар собиқ амири шайх Ҳамад бин Халиф ал Танийнинг уч хотинидан иккинчиси саналади. У сиёсат ва жамоат арбоби сифатида танилган.

Мўза ал Миснид қатор давлат ва халқаро лавозимларга эга. Улар орасида: Қатар таълим, илм-фан ва жамият тараққиёти жамғармаси раҳбари, Оила масалалари бўйича Олий кенгаш президенти, Таълим бўйича Олий кенгаш вице-президенти, ЮНЕСКО махсус вакили.

У Виржиния Ҳамдўстлик Университети (Virginia Commonwealth University), Техас A & M университети (Texas A & M University), Карнеги-Мелон Университети (Carnegie Mellon University), Лондон Империя Коллежи (Imperial College London) ва Жоржтаун университети (Georgetown University) фахрий докторлик унвонларига эга.

Етти нафар фарзанди бор: шайх Ҳамад бин Халиф ал Таний (2013 йил 25 июндан Қатарнинг 4-амири);
шайх Жасим бин Халиф ал Таний;
Жоан Ҳамад ал Таний;
Халифа Хамад ал Таний;
Муҳаммад Ҳамад ал Таний;
Ал Майёсса Ҳамад ал Таний;
Ҳинд Ҳамад ал Таний. “Замин” янгиликларини “Инстаграм”да кузатиб боринг