07:28 / 09.10.2018
4 126

Қашқадарёда газ плитасининг портлаши оқибатида 2 болакай ҳалок бўлди

Қашқадарёда газ плитасининг портлаши оқибатида 2 болакай ҳалок бўлди
Қашқадарё вилояти Фавқулодда вазиятлар бошқармасидан олинган маълумотга асосан, бугун, 8 октябрь куни соат 10:04ларда Китоб тумани, “Истиқлол” МФЙ, Қашқадарё кўчаси, 38-уйнинг (уй эгаси 1947 й.т. А.Пармонов) ошхонасида газ плитасининг носозлиги сабабли ҳаво-газ аралашмасининг чақнаши содир бўлган.

ФВВ ахборот хизматининг хабарига кўра, чақнаш оқибатида ошхона шифтининг 4 кв.м. майдони ёнган ҳамда 2 нафар фуқаро касалхонада вафот этган ва 1 нафар фуқаро куйиш тан жароҳатлари билан Китоб тумани тиббиёт бирлашмасининг шошилинч тиббий ёрдам бўлимига ётқизилган.

Вафот этган фуқаролар:
Беллура Хомидова, 2013 й.т. (уй эгасининг набираси, 100 % термик куйган).
Фарзона Хомидова, 2016 й.т. (уй эгасининг набираси,100 % термик куйган).

Жароҳатланган фуқаро:
Бахтигул Жамолова, 1991 й.т. (уй эгасининг келини, 40-45 % термик куйган, аҳволи ўрта оғир).

Мазкур ҳолат юзасидан дастлабки терговолди текширув ишлари олиб борилмоқда.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Қашқадарёда газ плитасининг портлаши оқибатида 2 болакай ҳалок бўлди