10 ёшли ўзбекистонлик ўқувчи кучли хотираси билан ҳаммани ҳайратга солди (видео)

Ўзбекистонлик ўқувчи Саидакбар Усмонбеков "Россия 1" каналининг «Ажойиб одамлар» телешоусида қатнашиб, кучли хотираси билан ҳаммани лол қолдирди.

10 ёшли бола жуда кучли хотирага эга. У эслаб қолиш қобилияти билан танлов ташкилотчиларининг мураккаб топшириғини бехато бажарди.

Саидакбар мнемотехника билан шуғулланади, роботларни дастурлашни ўрганмоқда. Келажакда у ўзи таом тайёрлайдиган машина яратишни режа қилган.

"Мен дастурловчи бўлмоқчиман. Ушбу қобилиятим билан катта натижаларга эришиб, Нобель мукофотини қўлга киритмоқчиман. Йиғилган маблағни эса хайрияга сарфлайман", - дейди кўрсатув ёш иштирокчиси.
Ушбу бола ҳақида тайёрланган роликни қуйидаги ВИДЕО орқали кўришингиз мумкин. «Замин»ни Telegram’да ўқинг!