СССР гербидаги ўроқ 14 йил давомида хато тасвирланиб келган (фото)

СССР давлат гербида тасвирланган рамзлардан бири хато чизилган. Бу ҳақда «Дарё»га Санъатшунослик институти илмий ходими Темурхон Жаҳонов маълум қилди.

1923 йилда тасдиқланган гербда ўроқ нотўғри чизилган, тўғрироғи, унинг тутқичи тескари тасвирланган. Аслида ўроқни ушлаш вақтида қулай бўлиши учун тутқичидаги қалинлашган қисми пастида бўлиши лозим эди.

^{Фото: Темурхон Жаҳонов}
Эҳтимол, рассом умрида ўроқ ушламаган бўлиши мумкин, аммо давлатнинг раcмий белгисидаги хато эътиборсизлик оқибати эди.

^{Фото: Темурхон Жаҳонов}
Кейинчалик барча герб акс этган расмий ҳужжатлар, купюраларда ҳам ушбу англашилмовчилик такрорланиб бораверган.

^{Фото: Темурхон Жаҳонов}
Бу хато 1937 йилга келибгина давлат гербининг қайта тасдиқланиши билан бартараф этилади.

^{Фото: Темурхон Жаҳонов} «Замин»ни Telegram’да ўқинг!