02:17 / 21.12.2018
4 978

Оталик бурчини унутганлар. . .

Оталик бурчини унутганлар. . .
Маълумки, болаларнинг таълими, сифатли овқатланиши, руҳан соғлом ва баркамол улғайиши бевосита оила даромадига ҳам боғлиқ. Болага уни ким таъмин этаётганининг фарқи йўқ. У, аввало, ҳам отасининг, ҳам онасининг эътибори, мадади ва хайрихоҳлигига муҳтождир.

Бу борада Мажбурий ижро бюроси томонидан тегишли чоралар кўриб келинмоқда.

Масалан, Мажбурий ижро бюроси Тошкент шахар Чилонзор туман бўлими томонидан Чилонзор туман маъмурий суди билан хамкорликда Тошкент юридик коллежи биносида очиқ сайёр суд мажлиси ўтказилди.

Ушбу ўтказилган сайёр суд мажлисида Ўзбекистон Республикаси Маъмурий жавобгарлик тўғрисидаги кодексининг 474-моддасига асосан алимент тўловларини ўз вақтида тўламаган қарздорларга нисбатан маъмурий жавобгарлик масаласи кўриб чиқилди.

Маълумки, Ўзбекистон Республикаси маъмурий жавобгарлик тўғрисидаги кодексига тегишли ўзгартириш киритилган бўлиб, унга кўра ушбу кодекснинг 474-моддасига асосан алимент тўловларни тўламаслик
15 сутка муддатга маъмурий қамоққа олинишига сабаб бўлиши мумкин.

МИБнинг Чилонзор туман бўлими билан Чилонзор туман маъмурий суди томонидан ҳамкорликда 18.12.2018 йилда ўтказилган сайёр суд мажлисида суд буйруғига асосан қарздор В.Петриченкодан ундирувчи Р.Давидян фойдасига бир нафар фарзандининг моддий таъминоти учун ижро ҳужжати бўйича жами бўлиб 1.537.196 сўм алимент пуллари ундирувчига ўз вақтида тўлаб бермаган.

Суд мажлисида фуқаро В.Петриченко ўз айбига иқрорлигини билдириб, алимент пулларини тўлаб беришини бироқ унга бироз муддат кераклигини айтиб, оилавий шароити ва вақтинча ишсизлигини инобатга олган холда суддан енгиллик беришни сўради.

Ўз навбатида суд томонларнинг кўрсатувларини тинглаб, шунингдек сайёр суд мажлиси иштирокчиларининг фикрларини инобатга олиб фуқаро В.Петриченкога 10 суткалик маъмурий қамоқ жазосини тайинлади.

Учтепа туманлараро судининг 14.09.2017 йилдаги ижро варақасига асосан қарздор У.Расулходжаевдан ундирувчи Н.Расулходжаева фойдасига уч нафар фарзандининг моддий таъминоти учун хар ойлик иш хақи ва бошқа даромадларининг ½ қисми миқдорида алимент ундириш белгиланган бўлиб, қарздорлик ҳозирда жами 4.318.106 сўмни ташкил этган.

Суд мажлиси қарздор ва иштирокчиларининг фикрларини инобатга олиб фуқаро У.Расулходжаевга 5 суткалик маъмурий қамоқ жазосини тайинлади.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Оталик бурчини унутганлар. . .