13:23 / 16.01.2019
3 333

Паспортлар ўрнига ID-карталар жорий этилиши 2021 йилгача узайтирилди

Паспортлар ўрнига ID-карталар жорий этилиши 2021 йилгача узайтирилди
Ўзбекистон фуқаросининг паспортини ўрнини босувчи идентификация картасини жорий этиш 2021 йилдан бошлаб жорий этилиши режалаштирилмоқда. Бу ҳақда «Газета.uz» хабар берди.

Ўзбекистон президентининг 2018 йил 18 апрель куни қабул қилинган қарори билан 1 ноябрдан бошлаб Тошкентда ID-карта тизимини жорий этиш режалаштирилганди, аммо муддат ўзгарди.

Давлат персонализация маркази директори Нажмиддин Тўрахўжаев Ўзбекистон президентининг 26 декабрдаги қарорига асосланиб маълум қилишича, ID-карталар 2021 йилдан бошлаб, эҳтимол ундан ҳам вақтлироқ босқичма-босқич жорий этилади. Бундан аввал эса барча зарурий инфратузилма яратилиши лозим.

«Ўзбекистон фуқаросининг биометрик паспорти фуқаро ҳақида ҳам электрон ҳам қоғоз кўринишида барча асосий маълумотларни ташувчи саналади. Паспортдаги барча маълумотларни ID-карта жорий этилиши билан унинг чипига кўчириш керак бўлади. Бунинг учун эса бутун республика бунга тайёр бўлиши керак, ID-карта функсионал вазифани бажариши лозим. Фуқаро борадиган ҳар қандай давлат муассасасида уни қўллаш мумкин бўлган зарурий ускуналар бўлиши лозим», — дейди Тўрахўжаев.

ID-карталар босқичма-босқич амалдаги миллий паспортларни ўрнини босади ва барча давлат хизматларидан фойдаланишда асосий восита бўлади.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Паспортлар ўрнига ID-карталар жорий этилиши 2021 йилгача узайтирилди