06:27 / 11.02.2019
3 505

Жиззахда 8 киши помидор консервасидан заҳарланди

Жиззахда 8 киши помидор консервасидан заҳарланди
2019 йил 8 февраль куни Жиззах вилоятининг Ш.Рашидов туманида яшовчи М.П. (исмли аёл) ўз уйида оила аъзолари билан биргаликда уй шароитида тайёрланган помидор маҳсулотини (мариновка) истеъмол қилган ва натижада 8 нафар киши заҳарланган. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.

Уларнинг 5 нафарига касалхонада тиббий ёрдам кўрсатилиб, уйига жавоб берилган. Уч нафари касалхонага ётқизилган. Ҳолат юзасидан суриштирув ишлари олиб борилмоқда.

ИИВ фуқароларни уй шароитида тайёрланган тузлама маҳсулотларини истеъмол қилишда ҳамиша ҳушёр бўлиб, аввало унинг истеъмолга яроқлилик ҳолатига алоҳида эътибор қаратишга чақирди.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Жамият » Жиззахда 8 киши помидор консервасидан заҳарланди
[/banner_pushhouse