Наманганда ЙҲХБ ҳайдовчиларга қаҳва таклиф этмоқда (видео)

^{Фото: Наманган вилоят ИИБ ЙҲХБ}
Қамчиқ довонидан ўтувчи «Фарғона ҳалқа йўли» автомобиль йўлида икки жойда ҳайдовчилар учун кичик қаҳвахоналар ташкил этилди. Бу ҳақда Наманган вилоят ИИБ ЙҲХБ матбуот гуруҳига таяниб «Дарё» маълум қилди.

— Мақсад узоқ масофадан, айниқса тунги вақтда келаётган ҳайдовчилар ҳушёрлигини ошириш, чарчоқ аломати сезилганда тетиклаштиришдан иборат. Уларга ушбу қаҳвахоналарда бепул равишда қайноқ қаҳва ва чой таклиф этилмоқда, — дейди гуруҳ катта инспектори Шокиржон Ҳошимов.

^{Фото: Наманган вилоят ИИБ ЙҲХБ}
Биринчиси Тошкент — Ўш йўлининг 221-километридаги назорат масканида, иккинчиси Наманган мунтазам йўл-патруль хизмати масканида ташкил этилган қаҳвахоналарда йўл-транспорт ҳодисалари оқибатлари акс этган видеолавҳалар намойиши ҳам йўлга қўйилди.
«Замин»ни Telegram’да ўқинг!