Ўзбекистонни дунёга танитмоқчи бўлган блогерлар кимлар? Улардан натижа кутсак бўладими?

Ўзбекистон раҳбариятининг юртимизга келаётган сайёҳлар сонини ошириш ҳамда халқаро майдонда мамлакат имижини яхшилаш учун инновацион усулларни қўллашга доир топшириғи ижроси сифатида ташкил этилган World Influencers Congress ("Жаҳон Инфлюенсерлари Конгресси") биринчи халқаро конгресси доирасида дунёнинг энг сара 100 нафар блогери 22-27 август кунлари юртимизда бўлишди.

Улар Тошкент, Самарқанд, Бухоро ва Хивада бўлишиб, Ўзбекистоннинг туристик салоҳиятини очиб берувчи ажойиб фото, видео ва ёзма материаллар тайёрлашди.

"World Influencers Congress» (WIC) тадбиримизда ўз иштирокини тасдиқлаган инфлюенсерларнинг «Instagram», «Facebook» ва «Youtube» видеохостингидаги обуначиларининг умумий сони 109 миллионга яқинни ташкил қилади. Шундай экан, ушбу инфлюенсерларнинг платформаларида нашр этилган материалларнинг кўздан кечирилиши 7,7 миллиард мартани ташкил қилади", - дея маълум қилганди туризмни ривожлантириш давлат қўмитаси раисининг маслаҳатчиси Беҳруз Ҳамзаев Kun.uz мухбири билан суҳбатда.

Хўш, мазкур тадбирда иштирок этган блогерлар кимлар ва улар қай даражада нуфузга эга? Улар ўз обуначиларига Ўзбекистонни қанчалик таништира олишди? Юртимизга келган барча блогерлар ҳақида бўлмаса ҳам, уларнинг айримлари тўғрисидаги маълумотлар билан қуйида танишишингиз мумкин (блогерларнинг фақатгина Инстаграм ижтимоий тармоғидаги обуначилари сони кўрсатилмоқда).

Atta Halilintar (@attahalilintar) – индонезиялик актёр ва влогер, Инстаграмда унинг 9,5 млн обуначиси бор.
Rawan Bin Hussain (@rawan) – қувайтлик модель ва бьюти-блогер. Лондонда яшайди. Обуначилари сони - 3,7 млн.

Sadaf (@sadaf_beauty, @sadaf_beauty_diary) – Сан-Францискода яшайдиган эронлик модель, бьюти-блогер. Унинг @sadaf_beauty аккаунтида 2,1 млн, @sadaf_beauty_diary аккаунтида - 1 млн обуначи бор.
Sjana Elis Earp (@sjanaelise) –йога бўйича инструктор, модель ва блогер. Австралияда яшайди. 1,6 млн обуначига эга.

Altug Galip (@kyrenian) – саёҳатчи ва тадбиркор. Обуначилари сони 1,3 млн нафар.
Djurinskaya Jania (@djurinskaya) – қозоғистонлик бьюти- ва лайфстайл блогер. 1,3 млн обуначиси бор.

Mehmet Kirali (@civilking) – туркиялик фотографнинг обуначилари 1,2 млндан ошади.
Erika Santos (@erikasantos) – бразилиялик фэшн-журналист ва тревел-блогер. Обуначилари сони 1,2 млн нафар.

High On Life (@highonlife) – канадалик влогерлар жамоаси. Уларнинг обуначилари сони 1,1 млн нафарга етади.
Dotz Soh (@dotzsoh) – сингапурлик фотограф ва иллюстратор. 1 млн обуначиси бор.

Barkha Singh (@barkhasingh0308) – ҳиндистонлик модель, актриса ва влогер. Унинг обуначилари 948 минг киши.
Na’el Abu Alteen (@nael_abu_alteen) – иорданиялик блогер. Унинг обуначилари 841 минг киши.

Tamara Jamal (@tamara.jamal) – ливанлик фешн- ва бьюти-блогер, телебошловчи ва модель. 595 минг обуначига эга.
Devin Graham (@devinsupertramp) – АҚШлик влогер, 571 минг обуначиси бор.

Arian Zamani (@arian_zamani) – италиялик блогер. 475 минг обуначига эга.
Claudio Bezerra (@cbezerraphotos) - тревел-фотограф. 440 минг нафар обуначи.

Wael Abu Alteen (@waelalteen) – иорданиялик тревел-блогер. Унинг саҳифасига 327 минг киши обуна бўлган.
Lenka Josefiova (@thetravellingbeautyqueen) - саёҳатчи, фэшн-блогер, инфлюенсер. Унинг фаолиятини 243 минг обуначи кузатиб боради.

Michael Chen (@mikexingchen) - фуд-блогер. 239 минг обуначиси бор.
Mikki Tenazas (@mgtenazas) - тревел-блогер. 153 минг обуначига эга.

David Hoffmann (@davidsbeenhere) – АҚШдан. Обуначилари сони 132 минг нафар.
Alex Chacon (@alexchacon_official) – АҚШлик тревел-блогер, фильммейкер, байкер. 110 минг обуначиси бор.

Биз санаб ўтган 22 блогернинг биргина Инстаграмда 30 млн нафардан ортиқ обуначиси бор. Бу рақамларга уларнинг бошқа ижтимоий тармоқлар ва Youtube каналларидаги обуначилари ва номлари тилга олинмаган бошқа блогерларнинг ҳам обуначиларини қўшадиган бўлсак, бу рақам яна бир неча баробарга ортиши аниқ. Бизнингча, бошланишига натижа ёмон эмас. «Замин» янгиликларини «Вконтакти»да кузатиб боринг