21:28 / 06.01.2020
8 086

Ўзбекистон-Қирғизистон чегарасида низо келиб чиқди

Ўзбекистон-Қирғизистон чегарасида низо келиб чиқди
Фото: Слуцкий Максим/ТАСС
Ўзбекистон ва Қирғизистон чегарасининг белгиланмаган қисмида икки давлат чегарачилари ўртасида низо келиб чиқди, деб хабар берди Kun.uz РИА Новостига таяниб.

Хабарда айтилишича, Қирғизистон фуқаролари чорва молларини қидириб чегаранинг белгиланмаган қисмига киришган ва Ўзбекистон чегара отрядига дуч келишган.

"Фуқаролар қўшни давлат ҳарбий хизматчилари билан айтишиб қолишган. Кейин эса даҳанаки жанг муштлашувга айланиб кетган", - дейилади хабарда.

Тўқнашувни тўхтатиш учун Ўзбекистон ҳарбийлари ҳавога огоҳлантирувчи ўқ узишган.
"Тўқнашув натижасида жабрланганлар йўқ", - деб хабар берилмоқда.

Қайд этилишича, ҳозирда икки давлат чегара хизматлари вакиллари чегарадаги вазиятнинг кескинлашувига йўл қўймаслик мақсадида учрашув ўтказмоқда.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Ўзбекистон-Қирғизистон чегарасида низо келиб чиқди