Мадоннага қарашли “Малавини ривожлантирамиз” жамғармаси директори Сара Еззининг хабар беришича, поп-қироличаси Малавининг бизнес пойтахти Блантайрда 50 ўринли болалар шифохонасини очди.
Малавилик икки болани асраб олган Мадонна ўтган йили Африканинг энг қашшоқ мамлакатларидан бирида ўзи ажратган маблағ эвазига қурилган ўнта мактабни текширишга келган, бироқ уни совуқ кутиб олишганди.
Президент Жойс Банданинг маъмурияти Мадонна шунчаки ўзини реклама қилаётганини, аслида бир нечта синфхона қурилгани ёки таъмирланганини баён этганди.
Мадонна эса бундай муносабат мамлакат президентининг синглиси “Малавини ривожлантирамиз” жамғармасини бошқараётган пайтда 3,8 млн. долларни ноўрин сарфлагани учун жамғармадан четлатилганлиги билан боғлиқлигини билдирганди.
Шу йилнинг майида Банда президентлик сайловларида мағлубиятга учради. Мамлакатнинг янги президенти Питер Мутарик эса “мамлакат хонанданинг саховатпешалигини қадрлашини” баён этди.
Манба: Kun.uz «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
