Фарғонада «мойка»дан ўзганинг Nexia машинасини миниб қочган шахс ушланди

^{Фото: ИИВ ҳузуридаги Тергов департаменти}
11 июнь куни Олтиариқ туманида жойлашган автомобилларни ювиш шохобчасидан Nexia-3 русумли машинани миниб қочган фуқаро ушланди. Бу ҳақда ИИВ ҳузуридаги Тергов департаменти хабар берди.

Маълумотларга кўра, 33 ёшли С.К. Олтиариқ тумани ИИБга қўнғироқ қилиб, «Шарқ» МФЙ ҳудудида жойлашган автомобилларни ювиш шохобчасига соат 14:00 ларда ўзига тегишли Nexia-3 машинасини қолдириб кетгани, бироқ соат 15:30 да қайтиб келганида машинани топа олмаганини билдирган.

Олиб борилган тезкор қидирув ҳаракатлари давомида С.К.га тегишли Nexia-3 Фарғона шаҳар «Ал-Хоразмий» МФЙ ҳудудидан топилиб, автомашинани 38 ёшли О.Ф. олиб қочганлиги аниқланган.

Ҳолат юзасидан Олтиариқ тумани ИИБ ҳузуридаги Тергов бўлими томонидан Жиноят кодексининг 267-моддаси 1-қисми («Транспорт воситасини олиб қочиш») билан жиноят иши қўзғатилган. Дастлабки тергов жараёнида О.Ф. гумон қилинувчи тариқасида жалб қилиниб, процессуал тартибда ушланган. “Замин” янгиликларини “Одноклассники”да кузатиб боринг