09:12 / 23.07.2020
815

Жанубий Корея коронавирус пандемиясига қарши курашиш учун Ўзбекистонга иккинчи инсонпарварлик ёрдамини юборди

Жанубий Корея коронавирус пандемиясига қарши курашиш учун Ўзбекистонга иккинчи инсонпарварлик ёрдамини юборди
Фото: «Дунё» ахборот агентлиги
Жанубий Корея тақдим этган ва Ўзбекистон Соғлиқни сақлаш вазирлиги ҳузуридаги Санитария-эпидемиологик осойишталик агентлиги учун мўлжалланган инсонпарварлик ёрдамининг иккинчи жўнатмаси ортилган Korean Air авиакомпанияси самолёти 22 июль, чоршанба куни Тошкент вақти билан соат 15:10 да Ўзбекистонга келган. Бу ҳақда «Дунё» ахборот агентлиги хабар қилди.

Хабарда қайд этилишича, Ўзбекистондаги Жанубий Корея элчихонаси маълумотига кўра, 144 минг дона тиббий ниқобдан иборат инсонпарварлик ёрдамининг биринчи жўнатмаси 2020 йилнинг 10 июль куни етказиб берилган. Ҳозирги кўмак юкида 206 минг дона шу каби тиббий ниқоблар мавжуд.

Фото: «Дунё» ахборот агентлиги
Коронавирус инфекциясининг Ўзбекистонда тарқалишининг дастлабки кунларидан бошлаб Жанубий Корея мамлакат соғлиқни сақлаш тизимига техник ва маслаҳат ёрдамини кўрсатиб келмоқда.

Хусусан, коронавирус тарқалишининг дастлабки босқичида профессорлар Сой Чже Ук ва Юн Синг Жу маслаҳатчи сифатида Ўзбекистонда бўлиб, маҳаллий мутахассисларга касалликка қарши курашда ёрдам берган. Апрель ойи охирларида Ўзбекистонга қиймати 250 минг АҚШ долларига тенг бўлган диагностика тўпламлари тақдим этилганди.

Фото: «Дунё» ахборот агентлиги
Бундан ташқари, Корея элчихонаси, Халқаро ҳамкорлик агентлиги (KOICA), Халқаро соғлиқни сақлаш ва тиббиёт жамғармаси, Сув корпорацияси, Ер ва уй-жой корпорацияси (LH) ижтимоий ҳимояга муҳтож гуруҳларга ёрдам кўрсатган.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)