08:30 / 10.09.2020
1 782

Коронавирусга қарши кураш штаби аъзоси Севара Убайдуллаева қандай ҳолларда вирус кўп юқаётганини маълум қилди

Коронавирусга қарши кураш штаби аъзоси Севара Убайдуллаева қандай ҳолларда вирус кўп юқаётганини маълум қилди
Турли хил маросимлар, тўйлар, тадбирлар, туғилган кунлар коронавирус юқишининг энг асосий омили ҳисобланади. Бу ҳақда Коронавирусга қарши кураш штаби аъзоси Севара Убайдуллаева «Ўзбекистон24» телеканалига берган интервьюсида айтиб ўтди.

Севара Убайдуллаеванинг маълум қилишича, турли хил маросимлар, тўйлар, тадбирлар ва туғилган кунларни карантин қоидаларига зид равишда ўтказиш касаллик юқиш йўлларининг энг асосий омили бўлмоқда.

«Тадбирларда оила аъзоларидан ташқари бир неча таниш-билиш ва вилоятлардан бир-бирига яқин таниш бўлмаганларнинг келиши касалликни соғлом одамга юқиш эҳтимолини кўпайтириб беради. Касалликни симптомларсиз кечираётган инсонлар билан бирга алоқада бўлиб қолиб, бирор бир йиғинда, бир дастурхон олдида ўтириб, тўй ёки туғилган кун тугагунича биргаликда икки метр ижтимоий масофани сақламаган ҳолда мулоқотда бўлиш вируснинг юқишини кучайтирмоқда», – деди мутахассис.

Соғлом инсон тиббий ниқобларсиз ярим соатдан ортиқ касал одам билан мулоқотда бўлса, организмга шунчалик кўп миқдорда вирус тушадики, ойлар давомида вирусдан қутилиш қийин кечади.

«Шунинг учун аҳолидан имкон қадар тадбирларга кўп одамларни жалб қилмаслик ва карантин қоидаларга қатъий риоя этишларини сўраб қолар эдик», – деди у.

Маълумот учун, Ўзбекистонда 8 сентябрь куни касалланганлар сони ҳам, ўлимлар сони ҳам кўпайгани ҳақида хабар берилган эди. Шунингдек, Тошкент шаҳрида тез ёрдамга чақирувлар ортган.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)