Иллюстратив фото
Хушторининг қўйнида юрак хуружига учраган гулистонлик эркак аввалига ҳушидан кетади. Унинг ҳаёти хавф остида қолганини билса-да, аёл «Тез ёрдам» чақириб, малакали тиббий ёрдам кўрсатиш чораларини кўрмайди. Аксинча, «сири» очилиб шарманда бўлишидан чўчиб, томошабинликдан нарига ўтмайди. Натижада эркак вафот этади.
Вақт алламаҳал бўлгач, аёл унинг жасадини ҳовлисидаги эшак аравага юклаб, дала йўлининг четига ташлаб келади.
Мазкур воқеликнинг ёритган «Militsiya_Uzb»да воқелик қачон юз бергани, жиноят иши қачон фош этилгани, жасадни уйидан олиб, эшак аравага юклашда биров ёрдам берганми ёки бу ишни аёлнинг бир ўзи (!) уддаланганми — аниқ маълумот берилмаган. Фақат эркак (А.З.) ҳам, аёл (Б.А.) оилалик эканини қайд этиб, мазкур иш мазмунан суд тартибида кўриб чиқилганини урғулайди.
Суд аёлни Жиноят кодексининг 117-моддаси 2-қисмида назарда тутилган жиноятни содир этганликда айбдор деб топибди. Бироқ қандай жазо берилгани ҳам хабарда очиқланмаган.
Жиноят кодексининг 117-моддаси 2-қисмида ҳаёти ёки соғлиғи хавф остида қолган ва ўзини-ўзи ҳимоя қилиш имкониятидан маҳрум бўлган шахсга ёрдам кўрсатмаслик учун жиноий жавобгарлик белгиланган бўлиб, агар шундай ҳолат одам ўлишига олиб келса, айбдор икки йилгача ахлоқ тузатиш ишлари ёки бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланиши кўрсатилган...
Ўта ёқимсиз манзара. Бироқ «иш» бўйича иштибоҳлар ҳам йўқ эмас... “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда ўтган уч ойда қанча автомобиль ишлаб чиқарилган?
Зоҳида Умарова нима сабабдан ўғли ва келини билан бирга яшамаслигини айтди
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Damas учун онлайн контрактация очилади
Германиянинг Knauf компанияси Россиядан бутунлай чиқиб кетишини тасдиқлади
Рамзан Қодировнинг 19 ёшли қизи медаль билан тақдирланди
Швейцария президенти Путинга мактуб йўллади
АҚШнинг Суриядаги ҳарбий базасига ракеталар ҳужум қилди