Абдуҳакимов: «Велосипедда юраман десангиз, ҳар ўн метрда ариқ учрайди, ё йўл бузилган бўлади, ё зина чиқиб қолади»

1 дақиқа ўқиш1.6K
Абдуҳакимов: «Велосипедда юраман десангиз, ҳар ўн метрда ариқ учрайди, ё йўл бузилган бўлади, ё зина чиқиб қолади»
11 ноябрь куни Тошкентда вилоят ҳокимларининг туризм ва спортни ривожлантириш масалалари бўйича ўринбосарлари учун ташкил этилган ўқув-семинарининг очилишида бош вазир ўринбосари, Туризмни ривожлантириш давлат қўмитаси раиси Азиз Абдуҳакимов ҳам иштирок этди. У ўз нутқида ечимини кутаётган айрим камчиликларга тўхталган, деб ёзмоқда «Kun.uz» нашри.

Бош вазир ўринбосари кўчалардаги пиёда ва велойўлаклар қониқарсиз аҳволда эканига алоҳида урғу берди.
«Ёшларимиз, бошқа катта ёшли аҳолимиз ҳам жисмоний машғулот билан шуғуллангиси келади. Лекин жой йўқ. Ўзимнинг мисолимда айтадиган бўлсам, бир нечта вилоят раҳбарлари билан кўчаларда юриб кўрдик. Узоқ бир қишлоқни айтмаяпман, йирик шаҳарларимиздаги ҳолат ҳам юриб бўлмайдиган даражада. На югурса бўлади, на велосипедда юрса. Белгиланган йўл белгилари йўқ. Велосипедда юраман десангиз, ҳар ўн метрда ё ариқ учрайди, ё йўл бузилган бўлади, ё зина чиқиб қолади ва ҳоказо.

Самарқандни мисол қилсак, вилоят ҳокими шаҳар ва туман раҳбарлари бир ҳафта кўчаларни пиёда айлансин, деб қарор чиқарди. Нимага вилоят ҳокими шунақа қарор қилди? Негаки, каттакон раҳбарлар машинада юраверса, оддий одамларимиз, фуқаролар пиёда юраётган йўлаклар ёки велойўлаклар қанақа ҳолатда эканини билмайди. Улар кўчалардан машинани ванғиллатиб ҳаммаёқни чанг бостириб ўтиб кетади. Нима дегани бу? Умуман, билмадим бу қанақа ҳолат бўлади
», – деган Азиз Абдуҳакимов.

Аввалроқ Азиз Абдуҳакимов бошчилигидаги ишчи гуруҳ Тошкент шаҳридаги велойўлакчаларни кўздан кечирган ва ҳайдовчиларни ўз машиналарини велойўлакчаларга қўймасликка чақирганди.

Эслатиб ўтамиз, Президент фармонига асосан, 2021 йил 1 майга қадар Ўзбекистон шаҳарлари ва ҳар бир туман марказида пиёда ва велосипедда юриш учун «Саломатлик йўлаклари», «Велосипед йўлаклари» қурилади.

Мазкур йўлакларнинг умумий узунлиги 3–5 километр бўлиб, ўзаро узвий боғлиқ бўлади. Уларга энерготежамкор, ҳаракат сенсорлари билан жиҳозланган ёритиш тизимлари ўрнатилади. Йўлаклар бошланиши, оралиғи ва якунини кўрсатувчи йўл белгилари ва ёруғлик қайтарувчилар билан тўлиқ таъминланади. Бунда ногиронлиги бўлган шахслар учун қулайликлар яратилиши кўзда тутилган.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?