Жиззахда 3 йил олдин пиёданинг ўлимига сабабчи бўлган ҳайдовчи айбига иқрор бўлди (видео)

1 дақиқа ўқиш3.1K
Жиззахда 3 йил олдин пиёданинг ўлимига сабабчи бўлган ҳайдовчи айбига иқрор бўлди (видео)
2017 йилда Nexia машинасида пиёдани уриб, воқеа жойидан қочиб кетган фуқаро орадан уч йил ўтиб, ўз қилмишига иқрор бўлди. Бу ҳақда «Ёшлар» каналининг «Янги давр» дастурида маълум қилинди.

2017 йилнинг декабрь ойида Жиззах вилоятининг Пахтакор туманида истиқомат қилувчи 1993 йилда туғилган фуқаро Nexia машинасида Ғаллаорол туманида яшовчи танишиникига йўл олган. Ҳайдовчи Ғаллаорол – Лалмикор йўлининг 10-километрига етганда пиёдани уриб юборган. Ўзининг маълум қилишича, тун қоронғисида одам уриб юборганини дастлаб билмаган.

200 метрлар чамаси ўтиб кетиб, яна ортга қайтган ва ерда йиғлаб ётган кишини кўрган. Қўрқиб кетганидан биринчи ёрдам кўрсатиш ва касалхонага олиб бориш ўрнига воқеа жойидан қочиб кетган. Ғаллаорол тумани Лалмикор маҳалласида яшовчи 1982 йилда туғилган эркак эса олган тан жароҳати туфайли вафот этган.

Ҳайдовчи айланма йўллардан фойдаланиб, ҳодиса жойини тарк этган. Шу сабабли у камераларга тушмай қолган. У таниш устага итни уриб юборганини айтиб, машинасини таъмирлатиб олган.

Ғаллаорол тумани ИИБ томонидан қўзғатилган жиноят ишининг тергов натижаларига кўра, ушбу ЙТҲни содир этган фуқаронинг шахсига аниқлик киритилмагани сабабли жиноят иши 2017 йилнинг 29 декабрь санасида ҳаракатдан тўхтатилган. Орадан 3 йил ўтиб ҳайдовчининг ўзи ички ишлар органларига келиб, ўз айбини тан олди.

«Менга ҳеч ким тазйиқ ўтказгани йўқ, ҳеч ким босим ўтказгани йўқ. Виждоним қийналганлиги сабабли ўз айбимга иқрор бўлиб, ички ишлар ходимларига мурожаат қилдим. Фақат виждоним жуда қаттиқ қийналяпти», − дейди ҳайдовчи.

«Мазкур ҳолат юзасидан қонунчиликда белгиланган тартибда, яъни жабрланувчига нисбатан биринчи ёрдам кўрсатилмаганлиги ва воқеа жойидан яширинганлиги ҳолати юзасидан Ўзбекистон Республикаси Жиноят Кодексининг тегишли моддаларига асосан жиноят иши қўзғатилди», — деди Жиззах вилояти ИИБ ЙҲХБ катта инспектори Эркин Очилов.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?