Божхоначилар томонидан яширин иқтисодиётга қарши кураш йўналишида амалга оширилаётган чора-тадбилар натижасида товар-моддий бойликларнинг ноқонуний айланмасига чек қўйилмоқда.
Хусусан, Фарғона вилояти божхона бошқармаси Контрабандага қарши курашиш ва божхона аудити бўлими ходимлари олдиндан олинган маълумот асосида тезкор тадбир ўтказишди.
Тадбир давомида, “Қувасой-Марғилон шаҳар” йўналишида ҳаракатланаётган фуқаро Б.Н. бошқарувидаги “Кобальт” русумли, автомашина кузатувга олинди.
Ушбу автомашина белгиланган тартибда тўхтатилиб кўздан кечирилганда, автомашина салони ва юкхонасида хорижда ишлаб чиқарилган, божхона расмийлаштирувидан ўтказилганлигини тасдиқловчи ҳеч қандай ҳужжатлари бўлмаган, умумий қиймати 26 400 000 сўмлик жами 33 дона “Samsung” номли чангютгичлар борлиги аниқланиб, ашёвий далил тариқасида олинди.
Ҳозирда ушбу ҳолат юзасидан суриштирув ҳаракатлари олиб борилмоқда.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
