22:27 / 17.07.2021
1 498

Тошкентда Spark устида шеригини боғлаб, TikTok’ка ролик суратга олган блогерлар 10 суткага қамалди

Тошкентда Spark устида шеригини боғлаб, TikTok’ка ролик суратга олган блогерлар 10 суткага қамалди

Кадр: Telegram
Ижтимоий тармоқларда Spark устида бир фуқаронинг боғланган ҳолда ҳаракатланаётгани тасвирланган видео тарқалди. «Ёшлар» телеканалининг «Янги давр» дастурида маълум қилинишича, қоидабузар блогерлар жавобгарликка тортилган.

Маълум қилинишича, видеодаги ҳолат 1 июль куни Яшнобод туманида содир бўлган. Унда бир фуқаронинг Spark томига боғланган ҳолда ҳаракатлангани ва унинг яна икки шериги ҳолатни видеога олгани тасвирланган.

«Бу менинг ғоям эди. Одамлар учун озгина қизиқроқ бўлиши учун қилдик. Бу ишимдан афсусдаман», — дейди қоидабузарлардан бири.

Мазкур ҳолат Тошкент шаҳар ИИББ томонидан ўрганиб чиқилиб, иш Маъмурий жавобгарлик тўғрисидаги кодекснинг 125 ва 183-моддалари (транспорт воситаларидан фойдаланиш қоидаларини бузиш, майда безорилик) бўйича судга тақдим этилган. Суд эса қоидабузар блогерлар нисбатан 10 сутка маъмурий қамоқ жазоси ва БМҲнинг уч баравари (735 минг сўм) миқдорида жарима тайинлаган.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Жамият » Тошкентда Spark устида шеригини боғлаб, TikTok’ка ролик суратга олган блогерлар 10 суткага қамалди