«Артист» лойиҳасининг иштирокчиси Ҳожиакбар Рўзметов Муниса Ризаевага уйланмоқчи эканини билдирди

Хонанда Алишер Рўзметовнинг ўғли Ҳожиакбар Рўзметов «Артист» лойиҳасида иштирок этиши давомида ўз истеъдодини намоён қилиб, кўплаб мухлислар орттирмоқда. У Zo‘r TV телеканали бошловчиси Маъруфхўжага берган интервьюсида шахсий ҳаёти ҳақидаги маълумотларни ошкор қилди.

Тўйининг қачон ва кимга совчи қўймоқчилиги ҳақидаги саволга дастлаб Ҳожиакбар Рўзметов унинг танловига ота-онаси қарши эканини, қизнинг кимлиги сир бўлиб қолишини, чунки бу шахсий ҳаёт эканини таъкидлади. Аммо бошловчининг қистови билан қуйидагича жавоб берди:

«Тўғрисини айтсам, уйдагиларим қаршилик билдиряпти, лекин бу нарсани ўзим жуда ҳам хоҳлайман. Чунки у одамни яхши кўраман. У шоу-бизнес вакили — Муниса Ризаева. Уйдагилар бироз қарши, лекин уларни кўндириб, совчиларни юбораман», — дейди ёш хонанда.

Аввалроқ Муниса Ризаева «Артист» лойиҳаси иштирокчилари Ҳожиакбар ва Элёрни «юлдузлик касали»га чалинганликда айблаб, уларга танбеҳ берган эди. “Замин” янгиликларини “Инстаграм”да кузатиб боринг