Мирзабек Холмедов қизининг тўйида қалбларни тўлдирган лаҳзалар (видео)

Ўзбекистоннинг севимли сўз устаси, халқ артистларидан бири Мирзабек Холмедов қизини турмушга узатди. Ижтимоий тармоқларда кенг муҳокамага сабаб бўлган видео лавҳаларда келиннинг мусиқа садолари остида отасига келин салом қилиб, унинг дуо ва насиҳатларини олгани акс этган.

Тўй маросимида Мирзабек ака қизига самимий сўзлар айтди: “Боққанимизга розимиз, сиз Нуриддинжоннинг омонатисиз, омонатга хиёнат қилманг, Аллоҳу Акбар!”, – деб, ўз қизи ва янги оиласи учун эзгу тилаклар йўллади.

Видео лавҳаларда келин ўзининг миллий либосида отасига салом қилган, ундан кейин улар ўртасида самимий суҳбат ва дуо бўлгани кўринади. Бу лаҳзалар нафақат оила аъзолари, балки тўйга йиғилганлар учун ҳам таъсирли бўлди.

Бундай одатлар ва ота-насиҳати ўзбек маънавиятида, оиладаги муҳаббат ва меҳр-оқибат тимсолидир. Мирзабек Холмедовнинг қизини турмушга узатиш маросими эса яна бир бор ўзбек тўйлари, ота-она розилиги ва дуосининг беқиёс аҳамиятини намоён этди. «Замин»ни Telegram’да ўқинг!