Машҳур голливуд актёри Жорж Клунининг Франциянинг жанубий ҳудудида жойлашган шахсий мулкида ёнғин содир бўлди. Бу ҳақда ФМТВ телеканали маълум қилди, деб zamin.uz хабар берди.
. Ёнғин актёрнинг мулкига қарашли ҳовли қисмида жойлашган қуёш панелларидан иборат паркда бошланган. Тахминларга кўра, ёнғин тахминан 300 квадрат метр майдонни қамраб олган.
. Воқеа содир бўлган жойга зудлик билан етиб келган ўт ўчирувчилар ўз вақтида ҳаракат қилган ҳолда ёнғин кенг тарқалмасидан олдин бартараф этишга муваффақ бўлишди.
. Телеканалнинг аниқлик киритишича, воқеа Клунининг шахсий қароргоҳи жойлашган ҳудудда рўй берган бўлса-да, уйнинг ўзи ёнғиндан жиддий зарар кўрмаган. Мулк атрофида хавфсизлик чоралари кучайтирилган.
. Шу билан бирга, Франциянинг жанубий қисмидаги Од департаментида 2 минг гектардан ортиқ ҳудудини қамраб олган йирик ўрмон ёнғини юзага келгани ҳақида ҳам маълумот берилди.
. Маҳаллий расмийлар берган маълумотга кўра, мазкур ўрмон ёнғини кучли шамоллар туфайли тез суръатда тарқалган ва уни фақат учинчи куннинг ўзида назорат остига олишга муваффақ бўлинган.
. Мутасаддилар ёнғин хавфи ҳанузгача сақланиб қолаётганини таъкидлашмоқда. Ёнғин оқибатида экологик зарар ва ҳайвонот дунёсига ҳам салбий таъсир етган.
. Мазкур ёнғин ҳодисаси Франция ҳукумати ва маҳаллий ҳокимият органлари томонидан алоҳида эътиборга олиниб, ёнғинга қарши махсус куч ва техник воситалар жалб этилмоқда.
. Жорж Клуни ҳодисадан кейин оммага мурожаат қилмаган бўлса-да, яқин манбалар унинг саломатлиги яхши эканини билдирган. Ёнғин сабаблари бўйича текширув ишлари олиб борилмоқда. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
