Голливуд юлдузи Уилл Смит кутилмаган янгилик билан оммавий ахборот воситалари эътиборида қолди. Машҳур актёр яқинда ўз исмини ўзгартириш ҳақида ўйлай бошлагани ҳақида маълум қилди. Бу қарор унинг уелслик илдизлари ва Европа тарихи билан боғлиқ қизиқарли воқеалар натижасида юзага келди.
Маълум бўлишича, BBC Радио Wалес студиясида журналист Люси Оуенс билан суҳбат давомида Смит ўзининг аслида Уелс билан ажабланарли боғлиқлиги борлигини билиб олган. Журналистнинг айтишича, Смит улғайган Филадельфиянинг Уиннфилд тумани ХVII асрдаги уелслик шифокор Томас Уинн шарафига номланган. Шунингдек, машҳур юлдузнинг онаси туғилган шаҳар ҳам ўша даврда уелслик тарихий номга эга бўлган.
Суҳбат давомида келтирилган далиллар Уилл Смитда ўз этник келиб чиқишига қизиқиш уйғотди. Актёр шундай деди: “Демак, мен уелсликман-да?!”. Шу фикр унга илҳом бериб, ўз исми ва “уелш” сўзи орасида ўхшашлик топди.
Актёр ҳазил билан ўзини “Уелш Смит” деб аташни таклиф қилди ва янги имидж яратиш истагини яширмади. “Мен энди Уелш Смит бўламан”, деди Голливуд юлдузи суҳбат охирида. Бу кутилмаган ўзгариш мухлислар орасида катта муҳокама ва шов-шувга сабаб бўлди.
Смитнинг янги исми нафақат Америкада, балки бутун дунёда муҳокамаларга сабаб бўлди. Мухлислар ва кино экспертлари бу янгиликни ижобий қабул қилиб, ижтимоий тармоқларда уни қўллаб-қувватлашди. Актёрнинг таниш образига янги руҳ ва янги маъно қўшилди.
Смит ҳаёт йўлида ҳар доим янгиликларга очиқ бўлиб келгани ва ижодий қиёфасини ўзгартиришдан чўчимаганини яна бир бор исботлади. Мухлислар унинг бу қадамини хурсандчилик билан кутиб олишди. Ижодкорлик ва ҳазил руҳи Голливуд юлдузига янги имидж ва янги мухлислар олиб келиши мумкин.
«Замин»ни Telegram’да ўқинг!
