Марвел киностудияси ва “Ўргимчак одам: Янги кун” фильмининг ижодкорлари МCУ мухлислари учун кутилмаган янгилик тайёрлади. Картинанада янги антагонист саҳнада пайдо бўлиши маълум қилинди, деб ёзади Peopletalk.
Янги фильмда Маврин Жонс III асосий қаҳрамон Том Холландга рақиб сифатида намоён бўлади. У “Гўрков” номли персонажни ижро этади. Актёр аввалроқ "Ўргимчак одам: Оламлар аро" анимацион фильмида ҳам ушбу қаҳрамонга овоз берган эди.
Комиксларда “Гўрков” Нью-Йоркдаги жиноят оламининг етакчиларидан бири сифатида ва Питер Паркернинг курашидаги рақиб сифатида танилган. Шунингдек, у "Ўргимчак одам: Коинотдан ташқарида" анимацион фильмида ҳам намоён бўлиши режалаштирилган.
Эслатиб ўтамиз, дўстона қўшни ўргимчак ҳақидаги янги фильм ишлаб чиқарилиши 2025 йил август ойида бошланган. Лойиҳага яна Том Холланд (Ўргимчак одам), Зендая (Мери Жейн) ва Жейкоб Баталон (Нед) қайтиб келмоқда. Яна бир қизиқарли янгилик — янги фильмда “Яшил гоблин” ролини ким ижро этиши мумкинлиги ҳақида интернетда турли миш-мишлар тарқалган. Шунингдек, Марк Руффало Халк сифатида франчайзингнинг давомида янада таҳликали қиёфада кўриниши мумкинлиги ҳам муҳокама қилинмоқда.
Картинани Дестин Дениел Креттон бошқармоқда. Сценарий муаллифлари эса тажрибали дует — Крис Маккенна ва Эрик Соммерс. Фильм 2026 йил 31 июль куни жаҳон прокатига чиқиши режалаштирилган.
«Замин»ни Telegram’да ўқинг!
