Дунё мусиқа саҳнасида миллионлаб мухлислар қалбини забт этган америкалик қўшиқчи Billi Eilish энди карта ўйинлар оламига ҳам кириб келди. Санъаткор машҳур UNO ўйинининг ўзига хос версиясини яратди. Унинг янги карта тўплами классик қоидаларга янгилик олиб кирган ва ўзига хос дизайни билан ажралиб туради.
Яшил ва кўк рангларда безатилган карталар тўпламида Billi Eilish'га тегишли бўлган машҳур Блоҳш логотипи ҳам бор. Ўйинчилар учун ўзгаришлар ҳам кутилмаган: янги қўшимча карталар ўйинга стратегия ва кутилмаган бурилишлар олиб келади.
Жумладан, “Wild Pass Color” картаси бир ўйинчига маълум рангдаги барча карталарни бошқа иштирокчига бериш имконини беради. Яна бир янги карта “Reveal Hand” эса барча иштирокчилардан қўлларидаги карталарни очиб кўрсатишни талаб қилади. Тўпламда жами 112 та карта бор ва унинг нархи 20 доллар этиб белгиланган.
Алоҳида эътиборли жиҳати — бу маҳсулотнинг илк партияси расмий сайт орқали олдиндан буюртма асосида сотиб бўлиб кетган. Ҳозирда харидорлар кейинги тираж учун навбатда туришмоқда.
Billi Eilish ўзининг ўзгача услубини энди ўйинлар дунёсида ҳам намойиш этмоқда. У нафақат саҳнада, балки карта столидаги ғолиблик учун ҳам курашмоқчи кўринади.
Меҳмон гуруҳидаги фойдаланувчилар ушбу мақолага изоҳ қолдира олмайди.
