“Титаник” кемасида ҳалок бўлган таниқли тадбиркор Isidor Shtraus'га тегишли бўлган олтин чўнтак соати Англиядаги Henry Aldridge and Son аукциони орқали 2,33 миллион долларга сотилди. Бу ҳақда BBC хабар берди.
Isidor Shtraus “Macy’s” савдо тармоғи эгаларидан бири бўлиб, у ўз рафиқаси Ida билан “Титаник”да сафарга чиққан эди. Кема айсберг билан тўқнашганида, Shtraus қутқарув қайиғига чиқишдан бош тортади ва кемани тарк этмайди. Ida ҳам эрининг ёнида қолишга қарор қилади. Уларнинг ўрнига оқсочиси қутқарув қайиғига ўтади.
Shtraus эр-хотинининг фожиали садоқати 1997-йилда Jeyms Kemeron томонидан суратга олинган “Титаник” фильмида ҳам акс этган. Фильмда улар кема чўкаётган пайтда қучоқлашиб ётган саҳнада тасвирланади.
Аукцион уйи маълумотларига кўра, ушбу соат Штрауснинг жасади ва шахсий буюмлари билан бирга топилган. Соат кейинчалик унинг авлодларига топширилган. Ида Штрауснинг жасади эса топилмаган.
