Актриса Шаҳло Зоирова ижтимоий тармоқларда жойлаган видеолари орқали мухлислар эътиборини тортди. У АҚШдан қайтгач, дугоналарига олиб келган совғалари билан боғлиқ қизиқарли ҳолатни улашди.
Видеолардан бирида актриса ҳазил аралаш тарзда дугоналарига: “Мен сизларга Америкадан ҳаво олиб келдим. Ким сизларга борган жойидан ҳаво олиб келган?” дея мурожаат қилган. Бу гап дугоналари орасида кулгили вазиятни юзага келтирган.
Шундан сўнг Шаҳло Зоирова асл совғаларни ҳам кўрсатди. У дугоналарига Америкадан олиб келган турли буюмлар — брелоклар, термослар, косметика воситалари ва бошқа эсдаликларни улашган.
Актрисанинг ушбу ҳазил-мутойибага бой чиқиши ижтимоий тармоқларда кенг муҳокама қилинмоқда. Мухлислар унинг самимийлиги ва кайфият улашганини ижобий баҳолашмоқда.
“Zamin”ни Telegram'да ўқинг!
