Азиза Ахралхўжаева янги ёшини қандай кутиб олди?

Актриса Азиза Ахралхўжаева Instagram саҳифасида жойлаган суратлари орқали кеча, 19 август куни яна бир ёшни қарши олганини маълум қилди. Актриса учун бу сана ўзгача кун бўлиб, у янги ёшини “Алҳамдулиллаҳ” деган ёзув билан қарши олган.

Суратлардан кўринишича, Азиза таваллуд кунини дабдабали байрам билан эмас, балки оила аъзолари даврасида, самимий ва илиқ муҳитда нишонлаган. Ушбу лаҳзалар унинг мухлисларига ҳам манзур бўлиб, пост остида кўплаб кузатувчилар актрисани туғилган куни билан табриклаб, эзгу тилакларини йўллаган.

Сўнгги вақтларда Азиза Ахралхўжаева машҳур мультфильм қаҳрамонлари қиёфасида кўриниш бериб, ўзига хос образлари билан кўпчилик эътиборини тортиб келмоқда.