Ўзбек шоубизнесининг таниқли вакили, хонанда ва репер Шаҳриёр яқинлашиб келаётган концерт дастури ҳақида мухлисларига маълумот берди. У интервьюлардан бирида катта концертни куз фаслида ўтказишни режалаштираётганини айтган.
Санъаткорнинг таъкидлашича, концерт дастури октябрь ойи саналарига мўлжалланмоқда. Шаҳриёр ҳозирда янги лойиҳалар ва ижодий ишлар устида ишлаётганини ҳам маълум қилган.
Унинг сўзларига кўра, концерт мухлислар учун кутилмаган сюрпризлар ва янги қўшиқлар билан бой бўлади. Шунингдек, саҳна кўринишлари ва шоу дастурига ҳам алоҳида эътибор қаратилаётгани айтилмоқда.
Репернинг мухлислари эса ушбу хабарни катта қизиқиш билан қарши олган. Ижтимоий тармоқларда кўплаб тингловчилар концерт санаси ва чипталар ҳақида қўшимча маълумот кутмоқда.
Шаҳриёр сўнгги йиллардаги фаол ижоди ва турли хит қўшиқлари билан кенг аудитория эътиборини қозониб келмоқда.
“Zamin”ни Telegram'да ўқинг!
