“Тақдиримдан розиман” Юлдуз Усмонова тақдири ҳақида кутилмаган фикр билдирди

Ўзбекистон халқ артисти Юлдуз Усмонова ҳаёти ва тақдири ҳақидаги самимий фикрлари билан мухлислар эътиборини тортди. Санъаткор ўз ҳаётидан мамнун эканини айтиб, ўтмишдаги ҳеч бир воқеани ўзгартиришни истамаслигини таъкидлади.

Хонанданинг сўзларига кўра, инсон ҳаётида рўй берадиган ҳар бир синов ва қувонч унинг тақдир йўлини шакллантиради. Шу боис у бошидан ўтган қийинчиликлар ёки муваффақиятларга афсус билан қарамаслигини айтди.

— Тақдиримдан розиман. Ҳаётимдаги ҳеч нарсани ўзгартиришни хоҳламайман. Чунки ҳар бир воқеа менга сабоқ ва тажриба берган, деди Юлдуз Усмонова.