«Пуштун», «Арслон» ва Болливуд қироли Шоҳрух Хон суратга тушаётган бошқа янги фильмлар

^{Фото: Bollywoodtime}
Шубҳасиз, Шоҳрух Хон нафақат Болливуддаги энг машҳур актёрлардан бири, балки у дунёдаги энг йирик кино юлдузларидан бири саналади. Bollywoodtime нашри 2022- ва 2023 йилларда актёрнинг суратга тушиши кутилаётган фильмлар билан бўлишди.

У ўттиз йил давомида ҳинд киносининг асосий актёрларидан бири бўлиб келди ва уни ҳақли равишда «Болливуд подшоҳи» ва «Романтика қироли» деб аташади. 2018 йилда унинг иштирокидаги «Ноль» фильми кассада муваффақиятсизликка учради ва шундан сўнг 4 йил давомида томошабинлар Шоҳрухни янги лойиҳаларда кўрмади. Аммо энди актёр имкон қадар тезроқ экранларга қайтиш учун бор кучини сарфламоқда. Актёр тез орада ўзининг SRK+ рақамли стриминг платформасини ишга туширади ва мухлислар буни интиқлик билан кутмоқда.

«Пуштун» — 2023

^{Фото: Bollywoodtime}
Шоҳрух Хон Жон Абраҳам билан замонавий жосуслик триллери «Пуштун»да биринчи марта экран майдонини бўлишмоқда. Шоҳрух катта экрандан 4 йил узоқлашганидан кейин тантанали қайтиш қилади. Бош аёл ролини Дипика Падуконе ижро этади. Шоҳрух Хон ўғли Арян Хоннинг наркотик иши очилгандан сўнг 2021 йил декабрь ойи ўрталаридан бошлаб суратга тушишни давом эттирди. Фильм 2023 йил 25 январда ҳинд, тамил ва телугу тилларида намойиш этилади.

Режиссёр Атли билан кейинги лойиҳа

^{Фото: Bollywoodtime}
Жанубий ҳинд режиссёри Атли ва Шоҳрух Хон биргаликда «Арслон» номли фильмни суратга олишмоқчи (номи ҳали тасдиқланмаган). Шоҳрух кетма-кет сўнгги икки муваффақиятсизлигидан, «Гарри Сежал билан учрашганида» ва «Ноль» картиналар кассада омадсизликка учраган, шунинг учун у ҳозирда битта лойиҳага эътибор қаратмоқда.

Ражкумар Хирани билан кейинги лойиҳа

^{Фото: Bollywoodtime}
Шоҳрухнинг режиссёр Ражу Хирани билан ҳамкорлиги узоқ вақтдан бери янгилик бўлиб келган, чунки актёрга шундай йирик ижодкор ва шунга монанд лойиҳа керак. Кучли иккилик «ижтимоий иммиграция комедияси» учун ҳамкорликда ишлаши мумкин.

Раҳул Дхолакия билан лойиҳа

^{Фото: Bollywoodtime}
«Бой» фильмида бирга ишлаган Шоҳрух Хон ва Раҳул Дхолакия яна ўт ўчирувчи Тукарамнинг ҳаётига асосланган биографик фильмида ҳамкорлик қилади.

«Хукри» операцияси

^{Фото: Bollywoodtime}
Мегаюлдуз Шоҳрух Хон «Хукри» операцияси асосида фильм суратга тушади. Маълум қилинишича, актёр фильмда аскар ролини ижро этиши мумкин.

«Салом» (ҳали тасдиқланмаган)

^{Фото: Bollywoodtime}
Ҳиндистон ҳарбий ҳаво кучларининг собиқ учувчиси (космонавт) Ракеш Шарма ҳақидаги биографик фильм узоқ вақтдан бери янгиликларда бўлиб келган. Амир Хон сценарий муаммолари туфайли уни рад этди. Кейин Шоҳрухга бу рол таклиф қилинган, лекин у ҳам рад жавобини берган. Бироқ сценарий муаллифи Анжум Ражабали ОАВга Хон лойиҳани тарк этмаётгани, балки воқеа якунланаётганини айтди. “Замин” янгиликларини “Одноклассники”да кузатиб боринг