«Севилья» жамоасининг украиналик ярим ҳимоячиси Евгений Коноплянка Испанияда ўз жамоадошлари уни чақиришда қийналишаётгани ҳақида айтиб ўтди.

«Уларда фамилиямни айтишда муаммолар пайдо бўлмоқда, кимдир Чокоплянча дейди, кимдир Шокоплянча… Мен уларга ҳазиллашиб, "мени шоколад деб ҳам атайверинглар" дедим.

Уларнинг тилида "Женя" сўзини ишлатиш – жуда қийин. "Евгений" сўзини айтиш эса деярли имконсиз. Мен уларга осон бўлиши учун паспортдаги исмимни "Коно" қилиб ўзгартирдим,», – дейди Коноплянка "2+2" телеканали эфирида.

Украиналик яримҳимоячи жорий мавсум аввалида «Севилья»га «Днепр» жамоасидан ўтганди. Коноплянка «Севилья» сафида барча турнирларда 30 учрашувда майдонга тушиб, 8та гол урди ҳамда 9та голли узатма муаллифи бўлди.


Манба: Кун.уз