Нодирбек Абдусатторов Ҳиндистондаги мусобақада пешқадам бўлиб турибди

^{Фото: Татастеелchess}
Шу кунларда Ҳиндистоннинг Калкутта шаҳрида шахмат бўйича “Tata Steel Chess India турнири бўлиб ўтмоқда.

Олтинчи бор ўтказилаётган нуфузли мусобақанинг мукофот жамғармаси 41 500 АҚШ долларини ташкил этади. Унда ўзбекистонлик Нодирбек Абдусатторов (2742) ҳам бош соврин учун баҳс олиб бормоқда. У Кеча 13 ноябрь куни мусобақанинг биринчи кунги 3 та турдан сўнг 2,5 очко билан турнир жадвалида якка пешқадам бўлиб турибди.

^{Фото: Chess}
Бугун ҳам шахматчилар 3 та турда ўзаро тўқнаш келади. Ўзбек шахматчисига бугун ҳинд шахматчилари рақиблик қилади. Нодирбек 4-турда қора доналарда Ниҳал Сарин (Ҳиндистон, 2679) га қарши баҳс олиб боради. Бешинчи турда оқ доналарда яна бир ҳинд гроссмейстери Видит Сантош Гужратҳи (2661) билан баҳс режа қилинган. Ушбу кунни Нодирбек Сунилдат Нараянан (Ҳиндистон, 2579) га қарши қора доналардаги учрашув билан якунлайди.

Нодирбекнинг Магнус Карлсен (2825) га қарши учрашуви эртага, 15 ноябрь кунига белгиланган. Ушбу баҳс 9-турда ўтказилиб, рапид баҳсларига якун ясаб беради. Унда Нодирбек оқ доналарда ҳаракат қилади.

^{Фото: Спорцтар}
Маълумот учун, Октябрь ойининг сўнгги кунларида Лондонда шахмат бўйича WR Chess Masters мусобақаси бўлиб ўтди. Дастлабки босқичда Александра Костенюк билан ўйинда ғалаба қозонган Нодирбек Абдусатторов чорак финалда франциялик Максим Ваше-Лаграв билан баҳсда мағлуб бўлиб, мусобақани эрта якунлади.

3—12 октябрь кунлари Буюк Британиянинг Лондон шаҳрида бўлиб ўтган турнирда Нодирбек Аласкан Книгҳц жамоаси номидан қатнашди ва турнирни иккинчи ўринда тугатди.

Октябрь ойи сўнгида эълон қилинган FIDE рейтингида Нодирбек Абдусатторов (2777) 6-ўринда қайд этилди. У аввалги ойда ҳам шу ўринда қайд этилган эди, аммо бу сафар у рейтинг очколарини 6 очкога камайган. “Замин” янгиликларини “Одноклассники”да кузатиб боринг