“Ал-Ҳилол” Салоҳни қўлга киритишга умид қилмоқда

Саудия Арабистони клублари “Ливерпуль”нинг энг зўр тўпурари Муҳаммад Салоҳ келаси ёзда барибир ушбу мамлакат профессионал лигасига келишига ишонмоқда, деб The Telegraph хабар берди.

Нашр маълумотига кўра, 32 ёшли мисрлик юлдузни олиб келишда “Ал-Ҳилол” клубининг имконияти юқори баҳоланмоқда.

Шунга қарамай, Муҳаммад Салоҳ 15 июнда старт оладиган янги форматдаги жаҳон чемпионати тугамагунча ҳеч қандай клуб билан шартнома имзоламайди. У ушбу нуфузли мусобақада “Ливерпуль” сафида иштирок этади.

Айни пайтда, Салоҳ “Ливерпуль” билан ҳамкорликни узайтириш борасида музокаралар олиб бораётгани ҳам айтилмоқда.

Жорий мавсумда Салоҳ барча турнирларда 43 ўйинда майдонга тушиб, 32 та гол ва 22 та ассист қайд этди. Унинг амалдаги шартномаси 30 июнгача амал қилади. “Замин” янгиликларини “Telegram”да кузатиб боринг