Англия футболида ўз номини ёзиб қолдирган, “Челси” ва миллий терма жамоа сафларида тўп сурган Жо Коул янги мавсум олдидан ўз фикрлари билан бўлишди. Унинг таъкидлашича, Англия Премьер-Лигаси бу йил янада қизғин ва муросасиз кечиши кутилмоқда, аммо барибир фаворит сифатида “Ливерпул” кўрилмоқда.
Коулнинг фикрича, Арне Слот шогирдлари ўтган мавсумда қандай ишонч билан чемпионликни қўлга киритган бўлса, янги мавсумда ҳам кучли ва тайёр ҳолда майдонга тушади. Унинг сўзларига кўра, рақиблар учун энг катта имконият фақат “Ливерпул” таркибидаги кўплаб янгиланишлар туфайли мавсум бошини секин бошласа, шу орқали уларни ортда қолдириш бўлиши мумкин. Бироқ мавсум охирига келиб мерсисайдликлар албатта тўлиқ куч билан ҳаракат қилади, деди у.
Шу билан бирга, Жо Коул “Арсенал” ҳақида ҳам тўхталиб ўтди. Унингча, Микель Артета бу мавсумда ғолиблик учун жиддий имкониятга эга. Чунки клуб марказий ҳужумчи сотиб олди, бу эса жамоанинг ҳужум чизиғини янада кучайтириши мумкин. Бироқ Коул айтишича, ҳали ҳам савол белгилар йўқ эмас: агар “Арсенал” Италия ва Туркияда ўзини кўрсатган Виктор Осимхенни қўлга киритганида, вазият тамоман бошқача бўлиши мумкин эди.
У, шунингдек, яна бир ҳужумчи — Гёкереш ҳақида ҳам фикр билдирди. Коулнинг сўзларига кўра, у майдонда ўзини кўрсатиши, голлар уриши мумкин, аммо бу жараён вақт талаб қилади.
Жо Коул сўзларини хулоса қила туриб, “ҳозирги ҳолатда энг кучли жамоа бу — Ливерпул” деб таъкидлади.
Эслатиб ўтамиз, ўтган мавсумда “Ливерпул” мамлакат чемпиони бўлган, “Арсенал” эса иккинчи ўрин билан чекланганди.
«Замин»ни Telegram’да ўқинг!
