Мадриднинг машҳур “Реал” жамоаси Лига Чемпионлари доирасидаги “Қайрат”га қарши учрашув учун Олмаотага етиб келди. Уларни аэропортда юзлаб мухлислар кутиб олди. Болалар ва катталар олдиндан йиғилиб, футболчиларни кўриш учун тинимсиз кутдилар.
Жамоа аъзолари Instagram саҳифалари орқали саломат етиб келганларини маълум қилишди. Аммо мухлислар юзларидаги чарчоқ белгиларини дарҳол пайқаш мумкин эди. Аэропорт атрофи полиция томонидан қаттиқ назорат қилинди.
Қизиғи, аэропортда нафақат “Реал” учун, балки Қозоғистон байроғини кўрсатиш учун келганлар ҳам бўлди. Бу эса воқеага янада байрамона руҳ бахш этди.
Мадридликлар билан бирга уларнинг ишқибозлари ҳам бирга учиб келишган. Аммо ушбу сафарда жамоага Трент Александр-Арнольд, Антонио Рюдигер, Ферлан Менди, Даниэль Карвахаль ва Эдер Милитао ҳамроҳлик қилмаган – улар жароҳат сабаб рўйхатдан чиқарилган.
Эслатиб ўтамиз, “Қайрат” ўз тарихида илк бор Лига Чемпионларида иштирок этмоқда ва 30 сентябрь куни соат 21:45 да “Реал”га қарши илк уй ўйинини ўтказади, деб хабар беради Tengri Sport.
“Zamin”ни Telegram'да ўқинг!
