25 октябрь, шанба куни Бирлашган Араб Амирликларининг Абу-Даби шаҳри яна жаҳоннинг энг кучли жангчиларини жамлайди. “UFC 321” турнири нафақат оғир вазн тоифасидаги асосий тўқнашув билан, балки бутун кард бўйлаб кучли рақиблар ва қизиқарли жуфтликлар билан бой кечиши кутилмоқда.
Туннинг марказий жангида оғир вазндаги амалдаги чемпион Том Аспиналл ўз камарини франциялик рақиби Сириль Ганга қарши ҳимоя қилади. Бу тўқнашув жанг санъати мухлислари томонидан жуда катта қизиқиш билан кутилмоқда. Икки жангчи ҳам техник жиҳатдан етук ҳамда жангда турли услубларни қўллаш қобилиятига эга. Мутахассислар бу кеча оғир вазн дивизионидаги энг юқори даражадаги тўқнашувлардан бири бўлишини таъкидлашмоқда.
Шу билан бирга, асосий карддаги яна бир эътиборли жанг — россиялик Умар Нурмагомедов ва америкалик Марио Баутиста ўртасида бўлиб ўтади. Умар учун бу жанг унга катта дивизиондаги йўлини мустаҳкамлаш имконини беради. Унинг маҳоратли партер услуби ва техник устунлигига қарши Баутистанинг тезкор зарба техникаси қизиқ курашни таъминлаши аниқ.
Аёллар баҳсида Бразилия ва АҚШ намояндалари — Вирна Жандироба ва Маккензи Дерн рингга чиқишади. Бу жанг ҳам ғоят шиддатли ва драматик бўлиши кутилмоқда, чунки ҳар икки спортчи ўз дивизионидаги кучлилардан саналади.
Асосий кардни Александр Волков ва Жаилтон Алмейда ўртасидаги жанг тўлдиради. Волков учун бу жанг реванш руҳида ўтади, Алмейда эса ўзига хос партер техникаси билан танилган. Шунингдек, Александр Ракич ва Азамат Мурзаканов тўқнашуви ҳам мухлислар учун қониқарли тамоша бўлиши шубҳасиз.
Прелим қисмида ҳам бир қатор қизиқарли жуфтликлар бор. Жумладан, Икрам Алискеров Чун Ён Пакка қарши майдонга чиқади. Шунингдек, Азат Максум, Людовит Клейн, Хамди Абдельвахаб ва бошқаларнинг иштирокидаги жанглар UFC мухлисларини жонли эҳтирос билан тўлдиради.
Турнир жадвали қуйидагича:
Асосий кард:
Том Аспиналл — Сириль Ган
Вирна Жандироба — Маккензи Дерн
Александр Волков — Жаилтон Алмейда
Умар Нурмагомедов — Марио Баутиста
Александар Ракич — Азамат Мурзаканов
Прелим:
Икрам Алискеров — Чун Ён Пак
Людовит Клейн — Матеуш Ребецки
Азат Максум — Митч Рапосо
Хамди Абдельвахаб — Крис Барнетт
Абдул-Карим Аль-Сельвади — Матеус Камило
Натаниэль Вуд — Хосе Дельгадо
Жаклин Аморим — Мидзуки Иноуэ
UFC 321 турнири жаҳоннинг барча бурчакларидаги жанг санъати мухлисларини экран қаршисига жамлайди. Бу кеча нафақат жангчилар учун, балки бутун UFC тарихи учун ҳам муҳим воқеага айланиши кутилмоқда.
