Россия миллий терма жамоаси бош мураббийи Валерий Карпин ноябрь ойидаги йиғинлар учун кенгайтирилган таркибга яна икки ҳужумчини қўшди. Бу ҳақда терма жамоанинг расмий Телеграм-каналида хабар берилди.
Дастлаб, 27 октябрь куни эълон қилинган таркибда тўртта ҳужумчи: Дмитрий Воробьёв (Локомотив), Тамерлан Мусаев (ЦСКА), Иван Сергеев (Динамо) ва Александр Соболев (Зенит) бор эди. Бироқ бугун мураббийлар штаби таркибга "Динамо"дан Константин Тюкавин ҳамда "Локомотив"дан Николай Комличенкони ҳам киритишга қарор қилди.
Ноябрь ойида Карпин шогирдлари Перу ва Чили терма жамоаларига қарши ўйин ўтказади. Ўйинлар 12 ноябрь куни Санкт-Петербургда ва 15 ноябрь куни Сочида бўлиб ўтади.
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
