Кйлиан Мбаппе “Реал Мадрид”даги фаолияти ҳақида гапириб, “Сантиаго Бернабеу”даги илк голини энг унутилмас лаҳза деб атади. “Бу гол менинг Мадриддаги ҳикоям бошланган дақиқа эди,” — деди у. У рақам муҳим эмаслигини айтди: “Мен 9 ёки 10 рақамда ўйнашим муҳим эмас, асосийси — тўп дарвозага кириши.”
Мбаппе Жаҳон чемпионлигини қўлга киритганидан кейин ўзгарганини айтди. “Мен футболчи ва инсон сифатида улғайдим. Ўзгариш — ривожланиш белгисидир,” — деди у. У “ПСГ” ва “Реал Мадрид” ўртасидаги фарқни ҳам таъкидлади: “ПСГ ёш клуб, Реал эса тарихий жамоа. Мен ҳар иккала жамоада ўйнаганимдан фахрланаман, лекин Реал — футболнинг чўққиси.”
Мбаппе жамоадоши Арда Гүлер ҳақида ҳам гапирди: “У жуда истеъдодли, тўпни бошқариши ажойиб. Ёш бўлишига қарамай, у жасур ва ишонч билан ўйнайди.” У ўз мақсадларини ҳам айтди: “Мен барча совринларни ютмоқчиман — Чемпионлар Лигаси ва 'Олтин тўп'. Ҳар бир мусобақада ғалаба учун курашаман.”
Мбаппе янги мураббий Хаби Алонсо билан ишлаш ҳақида ҳам сўзлади. “Ҳар бир мураббий ўз услубига эга. Хаби Алонсонинг аниқ ғоялари бор ва биз уни тушуниб ўрганяпмиз. Жамоа ҳар куни яхшиланиб бормоқда,” — деди Мбаппе.
“Zamin”ни Telegram'да ўқинг!
