ПСЖ дарвозабони Матвей Сафонов Чемпионлар Лигаси доирасида "Бавария"га қарши ўйиндаги мағлубият ҳақида ўз Телеграм-каналида фикр билдирди. Парижликлар ўз майдонида 1:2 ҳисобига имкониятни бой берди.
"Бу ўйин ҳақиқатан ҳам томошабоп бўлди: ҳужумкор ва агрессив футболнинг юқори даражаси намойиш этилди. Менинг фикримча, қизил карточка ўйиннинг боришини ўзгартирди.
Бизга бироз енгил бўлди, бироқ рақиб ўйинни бўлакларга бўлиш ва вақтни чўзиш тактикасини қўллади. Уларни тушунса бўлади: улар камчиликда ўйнашди ва биринчи бўлимни 2:0 ҳисобига якунлашганди.
Менимча, жуда яхши футбол бўлди. Умид қиламанки, томошабинларга ёқди. Бизга натижа манзур бўлмади, лекин ишлашда давом этамиз ва ўзимизни яхшилашга ҳаракат қиламиз", - деди Сафонов ўз видеомурожаатида.
Эслатиб ўтамиз, "ПСЖ" Чемпионлар Лигасининг тўрт турида тўққиз очко тўплашга муваффақ бўлган. Шунингдек, Матвей Сафонов 2025/2026 мавсумида ҳозирча бирорта ҳам ўйин ўтказмаган.
“Zamin”ни Telegram'да ўқинг!
