Қатарда бўлиб ўтаётган 17 ёшгача футболчилар ўртасидаги жаҳон чемпионати қизғин ва ҳал қилувчи паллага кирди. Гуруҳ босқичидан мардонавор ўтган 32 та терма жамоа плеф-офф маррасига етиб келди ва 1/16 финалда дастлабки баҳслар ўтказилди. Улар орасида Осиёнинг амалдаги чемпиони — Ўзбекистон U-17 терма жамоаси ҳам борлиги албатта юртимиз футболи учун юксак ифтихор.
Ислом Исмоилов бошчилигидаги ўсмирлар таркиби Европанинг энг кучли ва жисмоний бақувват жамоаларидан бири саналган Хорватияга қарши жуда мураккаб, ўта ҳис-туйғуга бой ўйин ўтказди. Беллашувнинг асосий вақти 1:1 ҳисобида якунланди, аммо пенальтилар сериясида ўзбек ёшлари хулқ, маҳорат ва мустаҳкам руҳиятини намоён этиб, рақибни 4:3 ҳисобида ортда қолдиришди.
Бу натижа уларнинг қанчалик мурaккаб босқичларда ҳам синовдан ўта олишини, юқори босим шароитида бўлса ҳам оқилона қарор қабул қилишини яна бир бор исботлади.
ФИФА нимчорак финал жуфтликларини эълон қилди
Жаҳон чемпионатиташкилотчиси — ФИФА ўзининг расмий сайти орқали нимчорак финал иштирокчилари ва барча жуфтликлар рўйхатини тақдим этди. Энг муҳим жиҳати — сараланган 16 терма жамоа энди бош соврин учун курашни янада кескин босқичда давом эттиради.
Плей-оффнинг дастлабки қисми бир қатор ажойиб, драматик ва интригали ўйинларга бой бўлди. Олдинда эса нафақат мухлисларни, балки мураббийлар штабини ҳам жиддий қувонч ва хавотирга соладиган янада қизғин беллашувлар кутмоқда.
Нимчорак финални Европа ва Осиё чемпионлари очиб беради
ФИФА маълумотига кўра, 1/8 финал баҳсларини айнан икки чемпион — Италия (Европа ғолиби) ва Ўзбекистон (Осиё чемпиони) очиб беради. Бу учрашув 18 ноябрь куни Тошкент вақти билан 17:30 да “Эспайр” академиясининг 8-майдонида старт олади.
Бу тўқнашув нафақат турнинг энг муҳим баҳсларидан бири, балки турнир манзарасини ўзгартириши мумкин бўлган ҳал қилувчи ўйин сифатида баҳоланмоқда.
1/8 финалнинг барча жуфтликлари
ФИФА матбуот хизмати келтирган тўлиқ рўйхат қуйидаги тарзда:
Италия – Ўзбекистон, 17:30, Майдон 8
Уганда – Буркина-Фасо, 17:30, Майдон 5
Мексика – Португалия, 18:00, Майдон 3
Бразилия – Франция, 18:30, Майдон 2
Швейцария – Ирландия, 19:45, Майдон 6
КХДР — Япония, 20:15, Майдон 4
Австрия — Англия, 20:45, Майдон 9
Марокаш — Мали, 20:45, Майдон 7
Бу жуфтликлардан кўриниб турибдики, нимчорак финал босқичига чиқиш учун ҳар бир беллашувда тўлиқ куч ва максимал диққат талаб этилади.
Йигитларимизга олдинда катта имконият турибди
Ўзбекистон U-17 таркибининг бугунги ўйини, руҳий тайёргарлиги ва жамоавий ҳаракати уларни бош соврин учун курашувчилар қаторидан жой олдиряпти. Йигитларимиз Қатарга шунчаки иштирок этиш учун эмас, балки юқори мақсадлар билан боргани яққол сезилиб турибди.
Мухлислар эса битта орзу билан яшамоқда — Ўзбекистон ёшларининг Қатардаги бу сафари яна бир тарихий ғалаба билан давом этсин.
Терма жамоамизга 18 ноябр куни бўладиган Италияга қарши муҳим учрашувда омад ва муваффақият тилаймиз!
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
