«Ницца»да даҳшатли инқироз: Жамоа кетма-кет 7 марта ютқазди

Франция чемпионатининг ўн бешинчи турида "Нисса" ўз майдонида "Анже" клубига 0:1 ҳисобида имкониятни бой берди. Учрашувнинг биринчи бўлимидаёқ "Нисса" гол ўтказиб, мағлубиятни қабул қилди.

Ушбу мағлубият "Нисса" учун барча мусобақаларни ҳисобга олганда кетма-кет еттинчи бўлди. Бу серия клуб тарихидаги антирекордни такрорлади.

"Нисса" аввалига 1960-йил кузида, сўнг 1964-йилда ва охирги марта 2013-йил кузида шундай кетма-кет мағлубиятларни бошдан кечирган эди. Бироқ шунга қарамай, "Нисса" Франция чемпионати турнир жадвалида ҳозирча ўн иккинчи ўринни эгаллаб турибди.