Россия Давлат Думасининг депутати Дмитрий Свищчёв россиялик дарвозабон Матвей Сафоновнинг "ПСЖ" сафидаги сўнгги муваффақиятлари ҳақида фикр билдирди. Сафонов кетма-кет икки учрашувда асосий таркибда майдонга тушиб, ҳар икки ўйинда ҳам дарвозаси дахлсизлигини сақлаб қолди.
"Сафонов – ажойиб футболчи. Матвейнинг ўйини юқори даражада.
Умид қиламизки, бу икки ўйиндан сўнг у янада кўпроқ майдонга тушади. Сафоновнинг майдонга туширилмаслиги Забари билан боғлиқ деган тахминлар бор.
Бироқ мен бунга ишонмайман, бу сиёсат эмас, балки мураббийнинг ўз режаси бўлса керак", – деди Свищчёв News.ru нашрига берган интервьюсида. 2025/2026-йилги мавсумда Сафонов илк бор Лига 1 доирасидаги "Ренн"га қарши ўйинда майдонга тушиб, биринчи бўлимда икки бор жамоасини гол ўтказиб юборишдан сақлаб қолди ва парижликларнинг ғалабасига сабаб бўлган ҳужумни бошлаб берди.
Ушбу баҳсда "ПСЖ" рақибини 5:0 ҳисобида мағлуб этди. Бундан бир неча кун ўтиб, россиялик дарвозабон Чемпионлар лигаси доирасидаги "Атлетик Бильбао"га қарши учрашувда ҳам дастлабки таркибда майдонга тушиб, 0:0 ҳисобида ўйинни якунлади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
