“Манчестер Сити” ярим ҳимоячиси Тиджани Рейндерс Кевин де Брюйне билан таққосланиши ҳақида фикр билдирди. Нидерландиялик футболчи ўтган ёзда “шаҳарликлар” сафига қўшилганди.
Ўшанда де Брюйне жамоани тарк этиб, эркин агент сифатида “Наполи”га ўтганди. ““Вулверхэмптон”га қарши ўйинда дебют қилганимдан кейин таҳлилчилар мени де Брюйне билан солиштиришди.
Албатта, бу мен учун жуда катта комплимент, аммо менинг ролим ҳам, фазилатларим ҳам бошқача. “Манчестер Сити”га келганимдан бери мени Кевин билан тез-тез солиштиришади ва мен доим такрорлайман: мен янги де Брюйне эмасман.
Мен кўп қиррали ярим ҳимоячиман, лекин ўзимни энг кўп “саккизлик” позициясида кўраман. Бокс-ту-бокс, яъни ҳимоя билан ҳужум орасида ҳаракат қиладиган футболчи.
Ҳужумларни қуришда ҳам, якунловчи босқичда ҳам иштирок этиш менга ёқади”, — дея Рейндерснинг (у аввал “Милан”да ўйнаган) сўзларини City Report келтирди. Кевин де Брюйне “Манчестер Сити” сафида ўн йил давомида тўп сурган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
