Туркиянинг Белек шаҳрида йиғин ўтказаётган «Нефтчи» навбатдаги назорат учрашувида ҳам ишончли ўйин намойиш қилди. Ислом Исмоилов қўл остидаги жамоа Болгариянинг «Септември» клубига қарши баҳсда 2:0 ҳисобида зафар қучиб, йиғин давомидаги тайёргарлик жараёни қанчалик тўғри кетaётганини яна бир бор тасдиқлади.
Учрашувда ҳисоб 28-дақиқада очилди. Зоран Марушич рақиб дарвозасини ишғол қилиб, «Нефтчи»ни олдинга олиб чиқди. Иккинчи бўлимда жамоа ўйин назоратини йўқотмади, темпни ушлаб турди ва якуний нуқтани 83-дақиқада Нурбек Сарсенбаев қўйди. Шу тариқа, «Нефтчи» икки гол урди, ўз дарвозасини дахлсиз сақлади ва назорат ўйинини ғалаба билан якунлади.
Назорат учрашуви
Туркия. Белек шаҳри
«Нефтчи» – «Септември» (Болгария) 2:0
Голлар: Зоран Марушич 28', Нурбек Сарсенбаев 83'
«Нефтчи»: 45.Акбар Тўраев (Ботирали Эргашев) 4.Боян Цигер (Муҳаммадқодир Расулжонов), 8.Владимир Йовович (Далер Тухсанов), 9.Ҳуршид Ғиёсов (Аброр Исмоилов), 10.Жамшид Искандеров (Азизбек Эримбетов), 20.Анвар Ғофуров (Нурмуҳаммад Абдуғаниев), 21.Муҳсин Убайдуллаев (Иброҳимҳалил Йўлдошев), 23.Йован Жокич (Мўминхон Баҳодирхонов), 32.Зоран Марушич (Нурбек Сарсенбаев), 34.Фарруҳ Сайфиев (Икром Алибоев), 2.Иззатилло Пўлатов (Фарҳод Соҳибжонов).
Белекдаги йиғинда айнан шундай баҳслар мураббийлар штаби учун ҳам, футболчилар учун ҳам муҳим: форма, ўзаро тушуниш, янги боғланишлар ва тактик кўникмалар айнан ўйин амалиётида мустаҳкамланади. «Нефтчи» эса бу учрашувда ҳам натижа билан бирга, ҳимоядаги тартиб ва ҳужумдаги самарадорликни кўрсата олди.
“Zamin”ни Telegram'да ўқинг!
