«Ан-Наср» бош мураббийи Жорже Жезуш Криштиану Роналдунинг яқинлашиб келаётган ўйинда майдонга тушмаслиги сабабини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши баҳс олиб боради. Португалиялик юлдуз ҳужумчи тез орада майдонга қайтиши кутилaётган бўлса-да, бу сафар ҳам у қайдномадан жой олмайди.
Жезушнинг таъкидлашича, жамоа зич тақвим сабаб Роналдуни ва асосий таркибдаги яна бир нечта футболчини асрашга қарор қилган. Мураббий олдинда чемпионатдаги «Ал-Фатеҳ»га қарши муҳим ўйин борлигини алоҳида урғулади.
Al Nassr Zone келтирган иқтибосда Жезуш: «Роналдунинг дам олиши янгилик эмас. Бу унинг Саудия Арабистонидан ташқарида ўтадиган учрашувларда қатнашмай қолиши илк бор эмас», — дея қўшимча қилган.
Саудия чемпионати доирасидаги «Ал-Фатеҳ» — «Ал-Наср» учрашуви шанба, 14 февраль куни бўлиб ўтади.
“Zamin”ни Telegram'да ўқинг!
