«Қайрат» ҳимоячиси Александр Мартынович Чемпионлар лигасидаги «Арсенал»га қарши ўйиндан кейин рақиб футболчиси Кай Хавертс билан бўлиб ўтган қизиқарли мулоқот ҳақида гапирди. Унинг айтишича, лондонлик футболчи Мартыновичнинг чеҳрасини қаердандир танийотгандек бўлган. Бу ҳақда euro-football.ru хабар беради.
Мартыновичнинг сўзларига кўра, Хавертс: «Нега билмадим, юзингиз менга жуда таниш», деган. Шунда футболчи аввалроқ «Байер»га қарши ўйинларни эслатиб, ўша пайтда немис клубидан ўтиб кетишганини айтган. Кейин эса Хавертс «Челси» сафида тўп сурган даврда ҳам майдонда бир неча бор тўқнаш келишганини қўшимча қилган.
Мартынович Хавертснинг ўйин футболкаси унинг шахсий коллекциясида борлигини ҳам қайд этди. Маълумот учун, Александр аввалроқ Россияда «Краснодар», «Урал» ва «Рубин» клубларида ҳам тўп сурган.
Эслатиб ўтамиз, «Арсенал» ва «Қайрат» январ охирида Чемпионлар лигасининг умумий босқичи сўнгги турида ўйнаган. Лондон жамоаси ўз майдонида 3:2 ҳисобида ғалаба қозонган.
“Zamin”ни Telegram'да ўқинг!
