"Манчестер Сити" ҳимоячиси Натан Акенинг ўзининг собиқ клуби "Челси"га қайтиши мумкинлиги ҳақида миш-мишлар тарқалмоқда. The Sun нашри хабарларига кўра, нидерландиялик футболчи айни пайтда "Челси" машғулот базасига жуда яқин жойлашган ҳашаматли уйни қайта қурмоқда ва бу унинг "Стэмфорд Бриж"га ўтиши ҳақидаги тахминларни кучайтирмоқда.
Ҳимоячи ушбу хусусий мулкни ўтган йилнинг ноябрь ойида 4 миллион фунт стерлингга сотиб олган эди. Эндиликда у мавжуд бинони бузиб, еттита ётоқхона, кенг меҳмонхона ва совринлар учун махсус хонани ўз ичига олган улкан янги қаср қуришни режалаштирмоқда.
Натан Аке аввалроқ 2011 йилдан 2017 йилгача "Челси" сафида тўп сурган. "Борнмут"да уч йил ўтказгач, у "Манчестер Сити" томонидан 45,3 миллион еврога сотиб олинган. Сўнгги пайтларда футболчи асосий таркибдан мунтазам жой олишда қийналмоқда ва бу уни жамоани тарк этиш ҳақида ўйлашга мажбур қилмоқда. Унинг клуб билан амалдаги шартномаси 2027 йил 30 июнгача мўлжалланган.
“Zamin”ни Telegram'да ўқинг!
