22:17 / 01.04.2017
6 192

Uzbek Tigers — Astana Arlans 4:1: Ғалаба муборак!

Uzbek Tigers — Astana Arlans 4:1: Ғалаба муборак!
Astana Arlans клубига қарши илк жангга -64 килограмм вазн тоифасида Элнур Абдураимов чиқиб келди. Унинг рақиби 21 ёшли Дилмурод Мижитов бўлиб, жанг ўзбекистонлик спортчининг 3:0 ҳисобидаги ғалбаси билан якунига етди.
Абдураимов ва Мижитов жанги эҳтиёткорлик билан бошланган бўлса-да, унинг якунида боксчилар анчагина фаоллашди. Якунда Элнур Абдураимов 50:45, 49:46, 48:47 ҳисобида устун келди.

56 килограмм вазн тоифасида Ўзбекистон клуби шарафини Абдулҳай Шораҳматов ҳимоя қилди ва қозоғистонлик Иляс Сулеймановга қарши рингга чиқди. Жанг Шораҳматовнинг 3:0 ҳисобидаги ғалабаси билан интихо топди — 48:47, 48:47, 50:45.

75 килограммгача бўлган вазн тоифасида рингга ўзбекистонликлардан Исроил Мадримов чиқди. Унинг рақиби Сапарбой Айдаров бўлиб, қозоғистонлик боксчи ўз жамоасини мағлубиятдан қутқариб қолишнинг уддасидан чиқа олмади. Мадримов ҳар уч реферидан устунлик кўрсатилган ҳисобларни қабул қилиб олди: 50:44, 50:44, 49:45.

Куннинг тўртинчи жангида энг оғир вазндаги спортчилар рингга чиқди — Зухриддин Маҳкамов ва Антон Пинчук. -91 килограммли боксчилар жангида қозоғистонлик спортчининг қўли баланд келди ва у ҳисобнинг 3:1 бўлишини таъминлади.
Зухриддин Маҳкамов эса худди шу ҳисобда имкониятни бой берди — 45:50, 45:50, 46:49.

Куннинг бешинчи жангида энг енгил вазндаги спортчилар рингга чиқди — Ҳасанбой Дўстматов ва Темиртас Жусупов. -49 килограммли боксчилар жангида ўзбекистонлик спортчи рақибидан ҳар учала рефери қарорига кўра устун келди — 3:0 (50:45, 49:46, 50:45).

Маълумот учун, томонларнинг Қозоғистондаги учрашувида мезбонлар 4:1 ҳисобида устун келганди. Тошкентда эса шунинг акси такрорланиб, Ўзбекистон шарафини ҳимоя қилган жамоа 4:1 ҳисобида зафар қучди.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Uzbek Tigers — Astana Arlans 4:1: Ғалаба муборак!